समाचार / News
हङकङेली सुनुवारहरूले उभौली षाँदर मनाए....
bagaicha.com३० मे २०१० दिन हङकङ स्थिति पार्कभ्यूमा सुनुवार समाज हङकङले किरातहरुको महान चाड उभौली षाँदर एक भनभोज आयोजना गरि भव्यताका साथ मनाएको छ । हङकङमा रहेका किरात सुनुवार समूदाय लगायत गैर किरातहरुको समेत सहभागिता रहेको सो कार्यक्रम दिनको १ बजे सुरु भएर साँझ ६ बजे समापन भएको थियो । विगत वर्षहरु जस्तै यस वर्ष पनि विना ढोलझ्याम्टब कुनै षाँदर शिल नगरे तापनि प्रकृतिको काखमा वसेर प्रकृतिको साधारण पूजाआजा गरेर आफ्नो सास्कृति र संस्कारलाई जिवित राख्ने प्रयत्न गरे । परापूर्वकाल देखि आफ्नो पिता पुर्खाहरुले मनाउँदै आएको मक्दुमलाई संरक्षण र सम्वर्धन गर्नु कुनैपनि जाति विषेशको मूल दायित्व हो र जातित्व, पहिचान र संस्कृति जिवित रहनु नै मान्छे जिवित रहनु हो, यहि उक्तिलाई सार्थक बनाउन हङकङमा रहेका किरात सुनुवारले पनि अश्तित्व र पहिचानको लागि एक सामाजिक संस्था स्थापना गरी विगत दशवर्ष देखि विभिन्न कार्यक्रमहरु आयोजना गर्दै आएको छ । यसवर्षको कार्यक्रममा विशेष गरेर सुनुवारहरुले आफ्नो विविध प्रकारका सुनुवारी खानाको परिकारहरु पकाएर सुनुवारी भोजनका साथ उभौली षाँदर मनाए । समाजमा आवद्ध कार्यकर्ताका अनुसार आगामी दिनहरुमा पनि यसैगरि आफ्नो चाड मनाउने जानकारी दिएका थिए । छोटो औपचारिक कार्यक्रमको साथ स्वागत मन्तव्य पछि कोईच विधि विधान अनुसार जेष्ठ नागरिकबाट धुपधुवार, आदर पिदार गरि कार्यक्रमको थालनि गरिएको थियो ।