बगैंचा डटकम

विगत वर्षहरू जस्तै यस वर्ष पनि सुनुवार समाज हङकङले किरात सुनुवारहरूको महान चाड उधौली फोल ष्याँदर २०१३ सम्पन्न गरेको छ ।

सुनुवार समाज हङकङले आफ्नो जातीय पहिचान, अस्तित्वको संरक्षण, सम्वर्धन र उत्थानको लागि सदैव प्रतिवद्धता र कटिवद्धता जनाउदै नयाँ योजनाका साथ सो कार्यक्रम सम्पन्न गरेको छ । समय काल र परिस्थिति अनुरूप हङकङको व्यस्त परिवेशलाई मध्येनजर गर्दै बसेको बिषेश बैठकले यस बर्षदेखि आफ्नो वार्षिक कार्यक्रममा केही परिवर्तन ल्याएको छ । सो अनुरूप किराति कोईच सुनुवुारहरूको बर्षमा २ चोटि मनाउँदै आएको महान चाड उधौली ष्याँदर र उभौली ष्याँदरमा केही हेरफेर गर्ने निर्णय गरेको छ, उक्त निर्णयलाई यसबर्षदेखिनै कार्यन्वयन गरेको छ । जस अनुसार उधौली फोल ष्याँदरमा कोईचहरूलाई बृहत उपस्थिति गराई समाज र सँस्थाको बार्षिक गतिविधि र आगामि कार्यक्रम र योजनाको बारेमा छलफल गरि योजना तर्जुमा गर्ने र बृहत 'ष्याँदरभोज' कासाथ एक आपसमा शुभकामन आदन प्रदान गर्ने भएको छ भने उभौली ष्याँदरमा भने आफ्नो भेषभुषाकासाथ प्रकृतिको काखमा गएर ढोल झ्याम्टा बजाएर शिलहरू नाचेर महान चाड भव्यताका साथ मनाउने निर्णय गरेको छ । यसै अनुरूप यस पटक उधौली फोल ष्याँदर बृहत भेटघाट तया 'ष्याँदरभोज' जोर्डन, स्थित फूलबारी क्लब २६ डिसेम्बर २०१३ विहिबार बेकुकि सम्पन्न गरेको छ ।