काठमाण्डौ मंसिर २७, कुलदीप सुनुवार स्मृति कोष समितिले यस पटक अन्तरविद्यालय हाजिरी जवाफ प्रतियोगिता आयोजना गर्ने भएको छ । संस्थाले ग्रामिण स्तरको शैक्षिक अवस्थामा सुधारका लागि संस्थाले गत सालबाट ग्रामिण क्षेत्रमा सहयोगको सुरुवात गरेको छ । संस्थाले मंगलबार पुन्य तिथिको अवसर पारेर स्व. कुलदीप सुनुवारलाई श्रद्धान्जली अर्पण गर्दै ँकुलदीप सुनुवार अन्तर विद्यालय हाजिरी जवाफ प्रतियोगिता २०६९’ को घोषणा गरेको छ ।

प्रतियोगिताका लागि रामेछाप जिल्ला, कुबु काँस्थली गाविस वडा नं. २ स्थित श्री चण्डस्वरी निमावीसँग सहकार्य समेत गर्ने जनाएको छ । संस्थाले स्व. कुलदीप सुनुवारको वाषिर्क पुन्यतिथिको अवसर पारेर तीन पटक राष्ट्रिय कविता प्रतियोगिता, छात्रवृद्धि तथा कुशल साहित्य पुस्तक समेत प्रकाशित गरिसकेको छ । संस्थाले भावि दिनहरुमा अझै समाज सेवामा सक्रियता बढाउने तथा कुशल नामक बुलेटिन प्रकाशनमा ल्याउने समेत जनाएको छ ।

कुलदीप सुनुवार पिता पूर्ण बहादुर सुनुवार र माता लिलामाया सुनुवारको कान्छा छोरा हुन् । उनका ३ दाजुहरु र एक दिदि छन् । २९ वर्षा अविबाहित कुलदिपको २०६४ मंसिर २६ गते आफ्नै निवास धापाखेल ललितपुरमा हृदयघातका कारण निधन भएको थियो । स्नाकोत्तरको थेसिस लेख्ने क्रममा रहेका उनि सुनुवार सेवा समाज ललितपुर जिल्ला समितिका कार्यकारणी सचित तथा माओवादी लडाकु हतियार अनुगमन संस्था अनमिनका भाषा अनुवादकका रुपमा कार्यरत थिए । सानै देखि गीत संगितमा अभिरुचि राख्ने कुलदीप सुनुवारका १ दर्जन भन्दा बढी गीतहरु र्रकर्ड भएका छन् ।